Peskovdan ABŞ-la bağlı SENSASİON AÇIQLAMA

Rusiya Federasiyası Prezidentinin mətbuat katibi Peskov ABŞ-la bağlı maraqlı açıqlamalar verib. 

Peskov bildirib ki, Trampa sui-qəsd cəhdində şübhəli bilinən şəxslə Ukrayna arasında əlaqələr barədə Rusiya deyil, ABŞ kəşfiyyatı düşünməlidir:

“Rusiya ABŞ-da daxili siyasi proseslərə qarışmayıb və indi də qarışmır. Kreml seçki kampaniyası dövründə ABŞ-da vəziyyəti gərgin hesab edir”.

Peskov deyib ki, Qərbin Rusiya mediasına qarşı ittihamları bütün sərhədləri aşır və Kreml bütün bunları qəbuledilməz hesab edir.

“Rusiya mediasına qarşı sanksiyalar ABŞ-ın alternativ baxışları boğmaq üçün hər cür səy göstərməyə hazır olduğunu göstərir”,-deyə Peskov bildirib. \\musavat\\