Daşkənddə Ümummilli lider Heydər Əliyevin abidəsi ziyarət olundu

Özbəkistanda keçirilən Azərbaycan Mədəniyyəti Günləri çərçivəsində iyunun 12-də xalqımızın Ümummilli lideri, iki ölkə arasında siyasi əlaqələrin möhkəmləndirilməsində müstəsna xidmətləri olmuş Heydər Əliyevin Daşkənd şəhərindəki abidəsi ziyarət olunub.

İctimai Rəy xəbər verir ki, Azərbaycanın mədəniyyət naziri Adil Kərimli, Özbəkistanın mədəniyyət naziri Ozodbek Nazarbekov, ölkəmizin tanınmış mədəniyyət, incəsənət və elm xadimləri Ulu öndərin abidəsi önünə tər çiçəklər düzərək əziz xatirəsini ehtiramla yad ediblər.