İran XİN başçısı vəzifəsinin icraçısı Rusiya prezidentinin müşaviri ilə görüşüb

İran xarici işlər naziri səlahiyyətlərini müvəqqəti icra edən Əli Baqeri Kani Rusiya Prezidenti Vladimir Putinin müşaviri və Şimal-Cənub dəhlizi üzrə xüsusi nümayəndəsi İqor Levitinlə görüşüb.

“Report” xəbər verir ki, bu barədə “Tasnim” agentliyi məlumat yayıb.

Bildirilib ki, tərəflər regional və ikitərəfli məsələləri müzakirə ediblər.

Məlumata görə, iyunun 10-11-də Rusiyanın Nijnı Novqorod şəhərində BRİKS-ə (Braziliya, Rusiya, Hindistan, Çin, Cənubi Afrika Respublikası) üzv on ölkənin xarici işlər nazirlərinin görüşü keçirilir. Əli Baqeri bundan əvvəl Çinin xarici işlər naziri Van İ ilə görüşüb.