Siqaret çəkənlərə daha bir BƏD XƏBƏR

Mütəxəssislər siqaretin ağız və diş sağlamlığına ciddi təsir etdiyini, siqaret çəkənlərin ağız xərçənginə tutulma riskinin daha yüksək olduğunu bildiriblər.

Türkiyəli professor Semih Özbayrak siqaretin diş əti iltihabını artırdığını və dişi əhatə edən sümüyü əridərək diş itkisinə səbəb olduğunu deyib.

Onun sözlərinə görə, az təhlükəli olduğu düşünülən qəlyan və elektron siqaretlər də ağız boşluğunun selikli qişasının rənginin dəyişməsinə, diş daşı əmələ gəlməsinə və ağız qoxusuna səbəb olur.

Professor siqaretin toxuma müqavimətini azaldaraq ağız selikli qişasında xərçəng öncəsi formalaşmalara səbəb ola biləcəyini bildirib: “Xərçəng riski xüsusilə tütün və yüksək konsentrasiyalı spirtdən birlikdə istifadə etməyə davam edənlərdə və 50 yaşdan yuxarı insanlarda 6-15 dəfə artır”. (Publika.az)