BƏƏ Pakistana 10 milyard dollar investisiya yatıracaq

Birləşmiş Ərəb Əmirlikləri Pakistan iqtisadiyyatının müxtəlif sahələrinin inkişafına 10 milyard dollar sərmayə qoymağa hazır olduğunu bildirib.

Məlumata görə, Pakistan hökumətinin başçısı ilə BƏƏ prezidenti Şeyx Məhəmməd bin Zayed Əl Nəhyan arasında Əbu-Dabidə keçirilən görüşdə razılıq əldə olunub. Söhbət zamanı ikitərəfli münasibətlərin bütün spektri, o cümlədən siyasi, iqtisadi, sosial, mədəni və müdafiə sahələrində əməkdaşlıq müzakirə olunub. Şərif əmirliklərlə strateji tərəfdaşlığın, o cümlədən informasiya texnologiyaları, bərpa olunan enerji və turizm sahələrində gücləndirilməsinin vacibliyini vurğulayıb.

Pakistan hakimiyyəti xarici investisiyaların İslam Respublikasının iqtisadi artımına, yeni iş yerlərinin yaradılmasına və infrastrukturun inkişafına töhfə verəcəyini gözləyir. BƏƏ Karaçidən Port Qasim yaxınlığındakı Pipri çeşidləmə stansiyasına qədər dəmir yolu yük dəhlizinin tikintisi və onu logistika mərkəzinə çevirmək üçün 400 milyon dollar sərmayə qoymaq niyyətindədir.\\musavat.com\\