Yaponiya Rusiyaya qarşı sanksiyalarını genişləndirib
Yaponiya hökuməti “referendum” lardan sonra “Donetsk və Luqansk Xalq Respublikalar”ının, Zaporojye və Xerson vilayətlərinin Rusiyanın tərkibinə daxil olması səbəbindən Rusiya Federasiyasına qarşı sanksiyalar siyahısını genişləndirib.
Müvafiq siyahı Yaponiyanın Maliyyə Nazirliyi tərəfindən dərc edilib.
Yenilənmiş sənədə Rusiyadan 58 fiziki şəxs və doqquz təşkilat, habelə Rusiya Federasiyasının yeni subyektləri ilə bağlı olan daha 23 nəfər daxildir. Onlar aktivlərin dondurulması kimi məhdudlaşdırıcı tədbirlərə məruz qalacaqlar.