SON XƏBƏR: Venesuela Avropaya neft nəqlini dayandırıb
Venesuela borcdan azad olmaq üçün, neft ticarətinə imkan verən müqavilənin bir hissəsi olaraq, Avropaya tədarükünü dayandırıb.
OilPrice-ə görə, Şimal axını 1 vasitəsilə Rusiyadan təbii qaz idxalı 80% azalaraq, neft tədarükünün böyük hissəsi ilə Aİ qarşıdan gələn qışda elektrik və istilik üçün, tapa biləcəyi istənilən yanacaq mənbələri ilə mübarizə aparacaq. Əvvəlcə alternativ olaraq, təklif edilən iki mənbə İran və Venesuela idi.
İranın Qərbə neft və qaz ixracının artması böyük ölçüdə ilkin nüvə sazişindən asılıdır, lakin Qoldman Saçs-ın bu yaxınlarda təklif etdiyi kimi, təkliflərin son tarixləri yerinə yetirilmədiyi üçün, belə bir razılaşmanın əldə olunması mümkün deyil.
Venesuela ABŞ-ın 2 illik sanksiyalarından sonra, Avropaya neft tədarükünü bərpa edib. İndi isə, ölkə hökuməti borc müqabilində neft sövdələşmələrində daha maraqlı olmadığını və bunun əvəzinə xam neft müqabilində İtaliya və İspaniya istehsalçılarından təmizlənmiş yanacaq istədiyini bildirərək bu tədarükləri dayandırıb.
Bu, tərs mübadilə kimi görünə bilər, lakin Venesuelanın öz neft emalı zavodları sərmayə çatışmazlığı və təmir olmaması səbəbindən fəaliyyətini davam etdirmək üçün mübarizə aparır. Daha təmiz yanacaq onlara enerji və sənaye baxımından ayağa qalxmağa kömək edərdi. Venesuelanın bəzi ağır neft əməliyyatları işləməyə davam etmək üçün xaricdən gətirilən tinerləri tələb edir. Aİ deyir ki, hazırda borc müqabilində neft məhdudiyyətlərini aradan qaldırmaq planları yoxdur, yəni Avropa daha bir enerji mənbəyini itirib.
Venesuelaya tətbiq edilən sanksiyalar, investisiyaların kəsilməsi ilə birlikdə onların neft sənayesini boğub və iyulda ümumi hasilat keçən illə müqayisədə 38% azalıb. Joe Biden-in Maduro ilə danışıqları yenidən başlatması üçün, ilk addımları Venesuela neftinin yenidən axmağa başlayacağına və qlobal bazar gərginliyini və artan qiymətləri kompensasiya edəcəyinə ümidləri artırdbı. Xüsusilə Avropa tezliklə alternativ enerji mənbələri üçün ümidsiz olacaq və bu, ehtimal ki, minimum istilik ehtiyaclarını ödəmək üçün, bazarların bu payızda təmizlənəcəyini görəcək.
Əgər bu baş verərsə və Rusiya sanksiyalarının buraxdığı boşluğu dolduracaq daimi enerji mənbələri tapılmazsa, Aİ-də qiymətlər kəskin artacaq. Təkcə bu deyil, Avropa ölkələri enerjini haradan taparlarsa, satın aldıqca, ABŞ da daxil olmaqla, bütün digər ölkələr üçün mövcud mənbələr də azalacaq.