“Nəhayət istifadəçiləri dinlənildi”: WhatsApp-ın çoxdan gözlənilən funksiyası elan edildi

“WhatsApp” onlayn statusu gizlətmək imkanı üzərində işə başlayıb. WABetaInfo portalının məlumatına görə, belə funksiya messencerin gələcək yeniləməsində görünəcək.

Onun sözlərinə görə, Android, iOS və stolüstü kompüterlər üçün WhatsApp-ın gələcək beta yeniləməsində istifadəçiləri “bəzi fantastik xəbərlər” gözləyir.

“WhatsApp-ın mətn mesajlarını redaktə etmək qabiliyyətini inkişaf etdirdiyini elan etdikdən sonra, şirkət onlayn statusu gizlətmək qabiliyyəti üzərində işə başladı”, – nəşr yazır.

Qeyd olunur ki, şirkətin istifadəçiləri dinləməsi üçün illər lazım olub: bir çox insanlar onlayn statuslarını gizlətmək imkanı istəyiblər. “WhatsApp” “nəhayət istifadəçi rəyini dinləyir” və istifadəçilərə onlayn olduqda kimin görə biləcəyini seçmək imkanı verən funksiya hazırlayır.

Daha əvvəl bildirilmişdi ki, “WhatsApp”ın kompüter üçün versiyası iyunun 28-dən ruslar üçün əlçatmaz olub. Rusiyada amerikalı messencer fevralın əvvəlindən Telegram-da liderliyini itirib və mövqelərini itirməkdə davam edir.