Azərbaycan Respublikasında koronavirus (COVID-19) infeksiyasına 33 yeni yoluxma faktı qeydə alınıb, 19 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış şəxslərdən 1 nəfəri vəfat edib.
Azərbaycanda son sutkada koronavirus (COVID-19) əleyhinə 5 854 vaksin vurulub. Bir gündə birinci mərhələ üzrə vaksinasiya olunanların sayı 608, ikinci mərhələ üzrə vaksinasiya olunanların sayı 313, üç və daha çox doza üzrə vaksinasiya olunanların sayı 4 579, pozitiv nəticədən sonra buster doza üzrə vaksinasiya olunanların sayı 354 nəfərdir.