Deputat Aram Vardevanyan: Artsaxda humanitar fəlakət hökm sürür

Martın 8-dən “Artsaxda” qaz yoxdur.

“Bu doğrudan da absurddur, belə bir humanitar fəlakəti təsəvvür etmək çətindir”. Bunu “Facebook” səhifəsində canlı yayımda “Ermənistan” blokundan olan deputat Aram Vardevanyan bildirib.

“Artsaxdakı qardaş və bacılarımızın bu gün elementar problemi var. Azərbaycan silahlı qüvvələrinin hərəkətləri nəticəsində qaz kəməri zədələndiyindən martın 8-dən burada qaz yoxdur və hələ də bərpa olunmayıb. Sakinlərin sözlərinə görə, hansısa prosesləri həyata keçirməyə çalışırlar, deyə bilər ki, sülhməramlılar addımlar atır, amma hələlik əməli nəticə yoxdur. Və burada sual yaranır: əgər artıq bir neçə gündür ki, Artsaxda oxşar vəziyyət hökm sürürsə və Ermənistan hakimiyyəti heç bir tədbir görmürsə, heç olmasa burada narahat olmaq olar”, – Vardevanyan bildirib.

Müxalifətçi qeyd edib ki, Artsaxda bu problemlərin həll olunmaması, minlərlə qarabağlının hüquqlarının tapdalanması absurddur. “Fakt budur ki, “Artsax Respublikası” mövcuddur, Qarabağda bütün dövlət qurumları, dövlətçiliyə xas olan bütün xüsusiyyətlər var və bu şəraitdə, həll yolu olmayanda belə bir vəziyyətin olması sadəcə olaraq absurddur”, – deputat bildirib.

Onun sözlərinə görə, Ermənistan Respublikası bunu tələb etməli, ucadan bəyan etməlidir ki, məsələ tez bir zamanda həll olunsun.