Ukrayna Silahlı Qüvvələrinin Baş Qərargahı: Rusiya işğalçılarının irəliləmə sürəti xeyli azalıb

İşğalçılar ruhdan düşür və getdikcə talanlara və hərbi münaqişələrin aparılması ilə bağlı beynəlxalq humanitar hüquq normalarının pozulmasına əl atırlar.

Xarkov, Sumı, Çerniqov və Kiyev vilayətlərində, rus işğalçıları tərəfindən müvəqqəti işğal edilmiş ərazilərdə yerli sakinlərə qarşı quldurluq və zorakılıq hərəkətləri faktları geniş şəkildə qeydə alınır.

Bu barədə Ukrayna Silahlı Qüvvələri Baş Qərargahının bu gün saat 06:00-a olan operativ məlumatında deyilir.

Müdafiə qüvvələrinin qruplaşması müəyyən xətlər üzrə Cənub, Şərq və Şimal əməliyyat zonalarında müdafiə əməliyyatını davam etdirir.

Severski istiqamətində Çerniqov şəhərinin qəhrəmancasına müdafiəsi davam edir.

Kiyev şəhərinin müdafiə qüvvələri xarici müdafiə xətti boyunca və əlavə olaraq müəyyən edilmiş ərazilərdə paytaxtın müdafiəsini davam etdirir.

Cənub əməliyyat zonasında dövlət sərhədi və dəniz sahili boyunca müdafiə əməliyyatı aparılır, Nikolayev şəhərətrafı ərazilərdə müdafiə döyüşləri aparılır.