SON DƏQİQƏ: Ruslar bu həftə üç dəfə Zelenskini öldürməyə cəhd ediblər- FOTO

Ukrayna xüsusi xidmət orqanları düşmənin planlarını üzə çıxarmağa və cinayətin qarşısını almağa nail olub.

Britaniyanın “The Times” qəzeti son bir həftə ərzində Ukrayna prezidenti Vladimir Zelenskiyə ən azı üç sui-qəsd cəhdinin edildiyini yazır.

Məlumata görə, Ukrayna liderini öldürmək üçün, iki müxtəlif qrup göndərilib – Kreml yönümlü Vaqner qrupunun muzdluları və çeçen xüsusi təyinatlıları. Mediya yazır ki, hər dəfə sui-qəsd cəhdlərinin qarşısı Ukrayna ilə müharibəyə qarşı çıxan Rusiya FSB-nin sayəsində alınıb.

Kiyevdəki Vaqner muzdluları öz səyləri zamanı itki verdiklərindən,  ukraynalıların öz hərəkətlərini nə qədər dəqiq görə bildiklərindən narahat olublar. Qrupa yaxın mənbə bildirib ki, Zelenskinin təhlükəsizlik xidmətinin məlumatlılığı onlar üçün “ürpədici” olub. Həmçinin şənbə günü Kiyevin kənarında məhv edilən çeçen muzdlulardan ibarət qrup tərəfindən törədiləcək sui-qəsdin qarşısı alınıb.