Putin müharibəyə gündə 19 milyard dollar xərcləyir: Kiyev 10 gün də müqavimət göstərsə…
Rusiyanın Ukraynaya müdaxiləsinin beşinci günündə münaqişələr şiddətləndiyi üçün, Britaniya və Estoniya kəşfiyyatı tərəfindən təəccüblü iddialar irəli sürülüb. Estoniyanın keçmiş müdafiə şefi Riho Terras Putinin müharibə üçün, gündə 33 928 899 000 manat (19 958 175 882,35 dollar) qurban verdiyini açıqlayaraq, “Kiyev 10 gün müqavimət göstərsə, danışıqlar nəticə verə bilər” deyə bildirib.
Britaniyanın Mİ6 Gizli Kəşfiyyat Xidmətinin rəhbəri Rusiyanın Ukraynadakı müharibədə qalib gələ bilməyəcəyini, çünki prezident Vladimir Putin heç vaxt ölkə xalqı üzərində siyasi qələbə qazana bilməyəcəyinə inandığını deyib.
Mİ6-nın rəhbəri Richard Moore, Putin qüvvələrinin Ukraynada son nəticədə uğursuzluğa düçar olacağına dair bir yazı paylaşıb.
London Kral Kollecinin Müharibə Tədqiqatları üzrə fəxri professoru Lourens Fridmanın “Ehtiyatsız qumar” adlı məqaləsində o, Putinin “Ukraynaya aludə olduğunu və müharibəyə bəhanə kimi görünən çirkin nəzəriyyələrə meylli” olduğunu bildirib.
‘QƏLƏBƏ QAZANMAQLA GƏLİR’
O vurğulayıb ki, Moskvanın qələbəsi Ukrayna hökumətini devirən uğurlu işğalla deyil, Ukrayna xalqı üzərində qələbə qazanmasıdır.
Digər tərəfdən, Rusiya işğalının 5-ci günündə Ukrayna Müdafiə Nazirliyi, Rusiyanın bu günə qədər təxminən 2800 əsgər, 80 tank, 516 zirehli texnika və 10 təyyarə və 7 helikopter itkisi olduğunu açıqlayıb.
Rus qoşunları paytaxta yaxınlaşdıqca, indi rus ordusuna “hər tərəfdən” irəliləyişini genişləndirmək əmri verilib və paytaxt ətrafında döyüşlərin intensivləşdiyi vurğulanır.
“Onlar gözlədiklərindən daha çox müqavimət gördülər”
Lakin ABŞ-ın yüksək rütbəli müdafiə rəsmisi Rusiyanın Ukraynaya müdaxiləsinin Moskvanın gözlədiyindən daha çox müqavimətlə üzləşdiyini və sürətini bir qədər itirdiyini bildirib.
Professor Fridmanın məqaləsi bu nəzəriyyəni dəstəkləyib. O yazır: “Rusiya qüvvələrinin üstünlüyünə baxmayaraq, onlar müharibənin ilk günündə, taktiki sürprizlər və potensial olaraq, hədsiz sayda olanda gözləmədikləri dirənişdən daha az irəliləyiş əldə etdilər.
“Ukraynalılar cəsarətli müqavimət göstərərək, işğalçılara itkilər verdilər.
Bu arada Ukrayna ordusu xalqdan “düşməni çaşdırmaq və ağlını qarışdırmaq” üçün yaşadıqları bölgədəki yol nişanlarından küçə, şəhər və kənd adlarının çıxarılmasını xahiş etdi. Ukrayna Müdafiə Nazirliyi tvitində “Ukraynanı mümkün qədər tez rus işğalçısından təmizləmək üçün, əlimizdən gələni edəcəyik” deyib.
GÜNLÜK 19 MİLYARD DOLLAR
Estoniyanın keçmiş müdafiə rəisi Riho Terras iddia edib ki, Kiyev 10 gün ərzində rusları uzaqlaşdırsa, Rusiyanın maliyyə resursları və silahları sürətlə tükəndiyi üçün, Vladimir Zelenski və Putin yenidən danışıqlara getməli olacaqlar.
Terras Ukrayna kəşfiyyat mənbələrinə istinadən müharibənin Rusiyaya gündə təxminən 15 milyard funt-sterlinqə başa gəldiyini və ən çox 3-4 gün daha istifadə etmək üçün raketlərinin qaldığını iddia edib.
O iddia edib ki, Putinin planı ölkəni panikaya salmaq, ukraynalıları “qorxutmaq” üçün yaşayış binalarına “təsadüfi” raketlər atmaq, ordunun kütləvi fərarilikləri, milli təslim olmaq və Zelenskinin ölkədən qaçmasına səbəb olmaqdır. Terras həmçinin iddia edib ki, Rusiya xüsusi əməliyyatçıları fevralın 18-dən Kiyev yaxınlığındadır və paytaxtı sürətlə ələ keçirməyi və marionet rejim qurmağı planlaşdırır.
‘BÜTÜN BOMBALARIN ATASI İŞƏ BİLƏ BİLƏR’
Keçmiş kəşfiyyat rəisi deyib: “Ruslar qarşılaşdıqları şiddətli müqavimətdən şoka düşüblər. Ukraynalılar panikadan qaçmalıdırlar! Ukrayna güclü qalmalıdır və biz onlara kömək etməliyik!”, o, Twitter hesabında yazıb.
Bununla belə, Rusiyanın Ukrayna ilə Qərb sərhədindən çəkilmiş videoda TOS-1 ağır alov atıcı tanklarının Ukraynaya doğru getdiyi məlum olub. Tanklar “bütün bombaların atası” adlandırılan yüksək güclü termobarik silahları atəşə tuta bilər.
Britaniya mətbuatı ötən gün dərc etdiyi xəbərlərdə və qərb rəsmilərinə istinadən Rusiyanın Ukraynaya hücumunun üçüncü günündə Putinin “bütün bombaların atası” adlandırılan yüksək güclü termobarik silahlardan istifadə edə biləcəyini irəli sürüb.