İran: “Sionistlərin ən kiçik səhvinə ən sərt şəkildə cavab verəcəyik”

Fevralın 22-də verdiyi məlumata görə, İran silahlı qüvvələrinin sözçüsü, briqada generalı Əbülfəzl Şəkərçi bir sıra döyüşkən bəyanatlar verib. İctimairey.az xəbər verir ki, bu barədə Mehr xəbər agentliyi bu gün məlumat yayıb.

Şekarçi İsraili tənqid atəşinə tutub:

“Sionist rejim dinindən asılı olmayaraq bütün xalqlar tərəfindən nifrətlə qarşılanır”.

Onun sözlərinə görə, Qərb dövlətlərinin dəstəyinə baxmayaraq, dağılmaq ərəfəsində olan İsraildə qaniçən vəhşi rejim hökm sürür. Onun fikrincə, xalqlar İsraillə münasibətləri normallaşdırmağa razı olan ərəb siyasətçilərini məsuliyyətə cəlb edəcəklər.

Briqa generalı həmçinin İsrailin İrana qarşı təhdidlərinə cavab verməklə hədələyib:

“Bizim tərəfimizdən ən kiçik strateji səhvə ən sərt cavab veriləcək”.

Eyni zamanda o, digər ölkələrə də İranı ciddi siyasi qüvvə kimi qəbul etməyi tövsiyə edib:

“Biz region ölkələrinə qüdrətli İran ölkəsinə həqiqətən çox güclü və müstəqil qonşu kimi baxmağı və öz ləyaqətini qorumaq üçün İslam Respublikası ilə əlaqələrini gücləndirməyi tövsiyə edirik”.

Şəkərçi İranla sıx əlaqələr və təhlükəsizlik səviyyəsi arasındakı əlaqəni belə izah edib:

“Ətrafımızdakı ölkələrlə İslam Respublikası arasında əlaqələrin gücləndirilməsi, bu ölkələrdə təhlükəsizlik yaradacaq. Sionist rejim təcriddən çıxmağa çalışır, ona görə də onlar dünyaya təcrid olmadıqlarını bildirmək üçün hər yerə gedirlər, baxmayaraq ki, bütün xalqların nifrət etdiyi bir rejim heç vaxt sevilməyəcək və qorunmayacaq.

Briqada generalı İsrail haqqında bir daha deyib:

“O, həmişə təhlükə altında olacaq.”