Elnur Allahverdiyev: “… bu prosesdə qanunverici orqanların dəstəyi mühüm əhəmiyyət daşıyır”
Azərbaycan Respublikasının Milli Məclisi və Rusiya Federasiyası Federal Şurası əməkdaşlıq üzrə parlamentlərarası komissiyanın 16-cı iclası keçirildi.
Milli Məclis sədrinin birinci müavini Əli Hüseynli və Rusiya Federasiyası Federal Şurası sədrinin müavini Qalina Karelovanın həmsədrliyi, Azərbaycanın Rusiyadakı fövqəladə və səlahiyyətli səfiri Polad Bülbüloğlu və həmkarlarımın iştirakı ilə keçən iclasda, ölkələrimiz arasındakı münasibətlərin inkişafına xidmət edən, bir sıra məsələlər müzakirə olundu.
Parlamentlərarası münasibətlərin daha da dərinləşməsi gündəmimizdə duran əsas hədəfdir. Dövlətlərimiz arasında iqtisadi və humanitar əməkdaşlığın müxtəlif istiqamətləri bir daha disskusiya obyekti oldu.
Eyni zamanda, 13-15 oktyabr tarixlərində Sankt-Peterburqda keçirilən Avrasiya Qadınlar Forumunun nəticələri ətrafında fikir mübadiləsi aparıldı. Azərbaycan və Rusiya arasındakı əməkdaşlıq müxtəlif sferalar üzrə uğurla inkişaf etməkdədir və bu prosesdə qanunverici orqanların dəstəyi mühüm əhəmiyyət daşıyır.
İctimairey.az