İran üçün DƏHŞƏT: İran PUA-ları ölkəyə çatmamış MƏHV EDİLİR – toqquşma ŞİDDƏTLƏNDİ

İsrail Müdafiə Qüvvələri İranın pilotsuz təyyarələrlə hücumuna nəzarət etdiyini açıqlayıb.

Teleqraf xəbər verir ki, qurum PUA-ların İsrail sərhədlərindən kənarda vurulduğunu bildirib.

“İsrail Hərbi Hava Qüvvələrinə məxsus qırıcı təyyarələr İsrail sərhədləri xaricində pilotsuz təyyarələri vurur və indiyədək onların heç biri ölkəyə çatmayıb”, – məlumatda deyilir.

Xatırladaq ki, İsrail Hərbi Hava Qüvvələri iyunun 13-də səhər saatlarında İrana zərbələr endirib. Hücum zamanı ölkənin Fordo və Natantz nüvə obyektləri, eləcə də hərbi bazaları hədəfə alınıb. İranın Atom Enerjisi Təşkilatı Natanz nüvə obyektinin məhv edildiyini təsdiqləyib.

Hava əməliyyatları nəticəsində İran İslam İnqilabı Keşikçiləri Korpusunun baş komandanı general-mayor Hüseyn Salami, Silahlı Qüvvələrin Baş Qərargah rəisi general-leytenant Məhəmməd Hüseyn Baqiri, ali dini rəhbərin müşaviri Əli Şamxani, “Hatəm-əl-Ənbiya” Qərargahının rəisi Qulam Əli Rəşid və digər yüksək rütbəli şəxslər, o cümlədən üç nüvə alimi həlak olub.
İran isə bir neçə saat sonra cavab zərbələrinə başlayıb. Tehran İsrail istiqamətində 100-dən çox pilotsuz təyyarə göndərib.

Bu və gündəmdəki digər xəbərləri aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız siyasi şərhçi Əli Mustafadır. Müzakirədə tamaşaçılarımız da iştirak edə bilər.