Azərbaycan atleti Almaniyada keçiriləcək beynəlxalq yarışda iştirak edəcək

Azərbaycan atleti Yekaterina Sarıyeva Almaniyada keçiriləcək XXVI beynəlxalq qış yarışında iştirak edəcək.

İctimai Rəy xəbər verir ki, bu barədə Azərbaycan Atletika Federasiyasının mətbuat xidməti məlumat yayıb.

Yanvarın 25-də Xemnitz şəhərində gerçəkləşəcək yarışda idmançı Azərbaycanı üçtəkanla tullanma növü üzrə təmsil edəcək.

Qeyd edək ki, Dünya Atletikasının təşkil etdiyi turnir “challenger” səviyyəlidir.