Ukrayna Ali Radasında Mixail Saakaşvilinin əfv olunması ilə bağlı Gürcüstan Prezidenti Salome Zurabişviliyə və Avropa Birliyi ölkələrinin parlamentlərinə müraciət layihəsi qeydə alınıb.

Axar.az xəbər verir ki, Radanın saytında dərc olunmuş məlumatda humanitar aktın həyata keçirilməsi və Gürcüstanın üçüncü prezidenti, Ukrayna vətəndaşı Mixail Saakaşvilinin əfv edilməsinin zəruriliyi bildirilir.

Layihənin təşəbbüskarları kimi onlarla deputatın, o cümlədən prezidentyönlü Xalqın Xidmətçisi Partiyasının fraksiya rəhbəri David Araxamiyanın adı çəkilir.