ABŞ İranın 9 neft şirkətətinə sanksiya tətbiq etdi

Amerika Birləşmiş Ştatları İranın neft-kimya və neft məhsullarının istehsalı, satışı və asiyalı müştərilərə daşınması ilə məşğul olan doqquz şirkətinə qarşı sanksiya tətbiq edib.

Bu barədə ABŞ Maliyyə Nazirliyi açıqlama yayıb.

Məlumata görə, İranda yerləşən altı neft-kimya istehsalı şirkəti, Malayziya və Sinqapurda yerləşən üç şirkət “Trilliance” adından İranın məhsullarının satışı və daşınmasında fəallıq göstərib.

“ABŞ-ın sanksiyalarını pozan İran getdikcə daha çox neft məhsullarının satışı üçün Şərqi Asiyada alıcılara müraciət edir. Amerika Tehranın qeyri-qanuni gəlir mənbələrini hədəf almaqda diqqətini artıtır və bu ticarətə bilərəkdən yardım edənlərə qarşı sanksiyalar tətbiq etməyə davam edəcək”, – ABŞ Maliyyə Nazirliyinin terrorizm və maliyyə kəşfiyyatı üzrə köməkçisi Brayan Nelson deyib.