Rusiya İran dronlarını özü yığacaq

Kreml Rusiya ordusunun Ukraynada fəal şəkildə istifadə etdiyi İranın kamikadze pilotsuz təyyarələrinin istehsalına başlamağı planlaşdırır.

Axar.az xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov deyib.

“Dronların istehsal ediləcəyi şəhərlərdən biri Tolyattidir, başqa şəhərlər də var. Bir çox məsələlər üzrə kəşfiyyatımız sadəcə olaraq qüsursuz işləyir və biz onların hansı addımlar ata biləcəyini əvvəlcədən başa düşürük”, – o bildirib.

Danilov qeyd edib ki, lazımi komponentlərin çatışmazlığı səbəbindən Rusiya dron istehsalına necə başlayacağını bilmir.