Ukrayna müharibəsi bitməmiş yeni qorxu: ABŞ və Cənubi Koreyadan Şimala qarşı… – FOTO

 Bu, illərdir görünmürdü: ABŞ və Cənubi Koreyadan Şimala qarşı nəhəng təlim!

Dünya aylardır Rusiya və Ukrayna arasında gedən müharibədən viran qalan qorxu və panika içində yaşamağa davam edir. Bütün bu gəlişmələrin arasında Şimali Koreya Cənubi Koreya başda olmaqla, bütün dünyanı təhdid edən addımları qorxuludur. Gərginliyi artıran addım bu gedişlər qarşısında birləşən ABŞ və Cənubi Koreyadan gəlib.

Ukraynada müharibə bütün zorakılığı ilə davam etdikcə, Çin və Tayvan arasında gərginlik də artır.

Dünya yenidən qütblərə bölündükcə, illərdir qarşıdurma içində olan ölkələr bir-bir qaynar münaqişə gərginliyi yaşamağa başlayıb.

‘Düşmən’ qardaşı Cənubi Koreya və təbii ki, ABŞ-la qanlı bıçaqlı olan Şimali Koreya, mövcud gərginliyi artıracaq açıqlamalar verməyə davam edərək, keçən həftə daha iki raket sınağı keçirib.

Bundan dərhal sonra gələcəyi müzakirə edilən ABŞ və Cənubi Koreyanın son illərin ən böyük ortaq hərbi təlimlərinə dərhal start verilib.

İLLƏRLƏ GÖRÜLMƏYƏN BÖYÜK TƏLİM

Ulchi Azadlıq Qalxanı (Qeyd edək ki, ABŞ və Cənubi Koreya Havay adaları sahillərində birgə raketdən müdafiə təlimləri keçirəcəklərini açıqlayıblar) kimi tanınan bu təlimlər Müttəfiqlərin bəzi müntəzəm təlimləri ləğv etməsindən və nüvə danışıqlarını asanlaşdırmaq üçün, kiçik təlimlər keçirdikdən sonra baş tutub.

Digər tərəfdən, bu təlimlər iki ölkənin Covid-19 epidemiyası səbəbiylə dayandırılan genişmiqyaslı təlimə yenidən başlamaq əzminin bir əlaməti olaraq görülür.

Əməliyyatın təfərrüatları açıqlanmayıb, lakin keçmiş təlimlərdə on minlərlə əsgər və çoxsaylı təyyarə döyüş gəmiləri və tanklar iştirak edib.

Məlumata görə, simulyasiya edilmiş birgə hücumlara cəbhə xəttində silahlar və yanacaq gücləndirmələri və kütləvi qırğın silahlarının çıxarılması daxildir.

İki ordu birgə bəyanatda bildiriblər ki, təlimlər keçən il Şimali Koreyanın raket sınaqlarının artan həcminə və miqyasına cavabdır.

Hər iki ölkə birləşmiş hərbi təlimlərin miqyasını genişləndirməyə sadiqdir və əlavə edib ki, Ulchi Azadlıq Qalxanı “vahid hazırlığı dəstəkləyəcək”.

ŞİMALDAN QƏZƏBLİ CAVAB GÖZLƏNİR

Pxenyandan bu güc nümayişinə qəzəbli reaksiya gözlənilir.

Şimali Koreya 2017-ci ildən bəri ilk tammənzilli qitələrarası ballistik raket buraxılışı da daxil olmaqla, raket sınaqlarını bərpa edib və onun yeddinci nüvə sınağını keçirməyə hazırlaşdığına dair məlumatlar artır.

ABŞ bildirib ki, əgər Şimal nüvə qurğusunu sınaqdan keçirsə, nəzəri cəhətdən taktiki nüvə silahlarını da əhatə edə biləcək strateji aktivləri yerləşdirməyi nəzərdən keçirəcək.

Cənubi Koreyanın yeni prezidenti Yoon Suk-Yeol may ayında vəzifəyə başlayıb və administrasiyaya Şimali Koreyanın təxribatlarına qarşı daha sərt olacağına söz verib, o cümlədən hərbi təlimləri “normallaşdırmaq” və ölkəsinin Şimala qarşı müdafiəsini gücləndirəcək.

Müttəfiqlər səhra təlimlərinin Şimali Koreyanın hücumuna cavabını planlaşdırmaq üçün, nəzərdə tutulduğunu israr etsə də, Pxenyan müntəzəm olaraq, təlimləri işğalın məşqi kimi pisləyib və keçmişdə belə vəziyyətlərdə raket buraxılışları ilə cavab verib.

Təlimlər sentyabrın 1-də başa çatacaq.

ŞIMALI KOREYA NÜVƏDƏN VAZ KEÇMƏYƏK

Son vaxtlara qədər diqqətini koronavirus epidemiyasına nəzarət etməyə yönəltmiş kimi görünən Kim Çen In həmişə nüvə proqramları ilə bağlı qətiyyətli olub.

Şimali Koreya lideri ölkəsinin ABŞ və Şimali Koreya ilə istənilən müharibədə nüvə potensialını “yerləşdirməyə” hazır olduğunu deyib və əlavə edib ki, “nüvə silahlarımız düşmən ABŞ üçün çəkindirici faktordu”.

Şimali Koreya Xarici İşlər Nazirliyinə bağlı beyin mərkəzinin direktor müavini Choe Jin keçən ay televiziyaya verdiyi müsahibədə ABŞ və Cənubi Koreyanın Şimali Koreyaya qarşı “düşmən hərbi mövqelərindən” əl çəkməsələr, “görünməmiş” təhlükəsizlik problemləri ilə üzləşəcəklərini bildirib.