Ukraynada müharibə: PUTİN – Rusiya Zaporojjya AES-ə müfəttişlərə icazə verəcək – FOTO
Rusiya lideri Vladimir Putin deyib ki, BMT rəsmilərinə Zaporojye nüvə kompleksinə baş çəkmək və yoxlamaq icazəsi veriləcək.
Kreml bu barədə Putinlə Fransa prezidenti Emmanuel Makron arasında telefon danışığından sonra açıqlama verib.
Bu, zavodun yaxınlığında döyüşlərin davam etdiyi, 4 mülki vətəndaşın Rusiya qüvvələrinin atəşi nəticəsində yaralandığı xəbərləri fonunda baş verib.
Bundan əlavə, cümə günü ABŞ Ukraynaya hərbi əməliyyatlarda kömək etmək üçün, daha çox silah və sursat göndərəcəyini vəd edib.
Kreml bildirib ki, Fransa və Rusiya liderləri arasında telefon danışığından sonra, cənab Putin Zaporojye nüvə obyektinə giriş əldə etmək üçün, BMT müstəntiqlərinə “lazımi yardım” göstərməyə razılaşıb.
Zavod martın əvvəlindən Rusiyanın işğalı altındadır, lakin ukraynalı texniklər hələ də Rusiyanın rəhbərliyi altında onu idarə edirlər.
“Hər iki lider “yerdəki vəziyyəti” qiymətləndirmək üçün, MAQATE ekspertlərinin zavoda göndərilməsinin vacibliyini qeyd ediblər”, – Kreml bildirib.
BMT-nin nüvə fəaliyyətlərinə nəzarət edən Beynəlxalq Atom Enerjisi Agentliyinin (MAQATE) baş direktoru cənab Putinin açıqlamasını alqışlayıb və zavoda şəxsən baş çəkməyə hazır olduğunu bildirib.
“Bu son dərəcə dəyişkən və kövrək vəziyyətdə, dünyanın ən böyük atom elektrik stansiyalarından birinin təhlükəsizliyini daha da təhlükə altına qoya biləcək yeni addımların atılmaması həyati əhəmiyyət kəsb edir”, – Rafael Qrossi bildirib.
Ukrayna prezidenti Vlodimir Zelenski gecə müraciətində yoxlama perspektivini alqışlayıb, lakin konkret detalların hələ də işləndiyini bildirib.
“Rusiyaların radiasiya ilə şantajı davam edərsə, bu yay müxtəlif Avropa ölkələrinin tarixinə bütün zamanların ən faciəli oxlarından biri kimi düşə bilər” deyib.
Kiyev bildirir ki, Rusiya bu kompleksi hərbi bazaya çevirib, hərbi texnika, silah və 500-ə yaxın əsgəri buradan Dnepr boyunca şəhərlərə hücum etmək üçün qalxan kimi istifadə edir.
Son həftələrdə obyektin ətrafı güclü artilleriya atəşinə məruz qalıb, Kiyev və Moskva hücumlara görə bir-birini ittiham edir.
Ukrayna rəsmiləri Rusiyanın zavodun ətrafındakı ərazini atəşə tutmasının cümə günü də davam etdiyini bildirib və Moskva qüvvələrini zavodun çayın o tayında yerləşən Marqanets şəhərində 4 mülki vətəndaşın yaralanmasında günahlandırıb.
Vilayətin qubernatoru Valentin Rezniçenko Telegram-da bildirib ki, rayonda 5 evə də ziyan dəyib.
Müfəttişlərə giriş icazəsi vermək istəyinə baxmayaraq, Rusiya rəsmiləri beynəlxalq ictimaiyyətin obyektin demilitarizasiyası tələblərini qəti şəkildə rədd ediblər.
Rusiya Xarici İşlər Nazirliyinin informasiya və mətbuat departamentinin direktor müavini İvan Neçayev cümə günü bildirib ki, bu cür addımlar zavodu “daha da həssas” edəcək.
Bu arada Rusiya BMT Təhlükəsizlik Şurasına Ukraynanı Zaporojye AES-də sui-qəsddə ittiham etdiyi “təxribatların” təfərrüatları ilə bağlı məktub göndərib.
Rusiyanın BMT-dəki missiyası bildirib ki, ukraynalılar radiasiya sızmasından ibarət “kiçik qəza hesab etdikləri hadisəyə” səbəb olmaq istəyirlər ki, bu da Rusiyanı “nüvə terrorizmi”ndə ittiham edə bilər.
Məktubda rus qoşunlarının ərazidə silah saxlaması təkzib edilib. O, ukraynalıların fabriki atəşə tutması iddiasını təkrarlayıb.
Bundan əlavə, Vaşinqton Ukrayna üçün 775 milyon dollarlıq (655 milyon funt sterlinq) yeni müdafiə avadanlığı paketini təqdim edib.
Maliyyələşdirmə Himars uzaqmənzilli reaktiv yaylım atəşi sistemləri, artilleriya sursatları, kəşfiyyat pilotsuz uçan aparatları və tank əleyhinə raketlər üçün ödəniləcək.
ABŞ Müdafiə Nazirliyinin yüksək rütbəli rəsmisinin sözlərinə görə, paketdə ilk dəfə olaraq minaya davamlı maşınlar olacaq.
Ukrayna Rusiyanın işğalına qarşı müqavimətinə kömək etmək üçün, Qərb müttəfiqlərinin silah təchizatından çox asılıdır.
