SON DƏQİQƏ: Özbəkistan DXR və LXR-i tanımaqdan imtina edir

Özbəkistan Ukraynanın ərazi bütövlüyünü müdafiə edir və Donetsk və Luqansk Xalq Respublikalarının (DXR və LXR) müstəqilliyini tanımaqdan imtina edəcək.

İctimairey.az xəbər verir ki, bunu ölkənin xarici işlər naziri Əbdüləziz Kamilov deyib.

Diplomatın sözlərinə görə, Daşkənd ənənəvi olaraq həm Rusiya, həm də Ukrayna ilə yaxşı münasibətlərə malikdir, lakin xarici siyasətini kiminsə milli maraqlarına deyil, özünə əsaslanaraq quracaq.

“Biz bu ölkələrlə qarşılıqlı faydalı əməkdaşlığı davam etdirəcəyik”, – Kamilov bildirib.

Eyni zamanda, o, Özbəkistanın Ukraynadakı hərbi toqquşmalardan narahat olduğunu bildirib və münaqişənin diplomatiya yolu ilə həllinə çağırıb.

“Biz zorakılıq və hərbi əməliyyatların dayandırılmasının tərəfdarıyıq”, – deyə XİN rəhbəri izah edib.