SON XƏBƏR: Qazaxıstanda sabiq müdafiə naziri saxlanılıb

0

Qazaxıstanın keçmiş müdafiə naziri Murat Bektanov saxlanılaraq istintaq təcridxanasına yerləşdirilib.

İctimairey.az xəbər verir ki, bu barədə bu gün, fevralın 20-də KazTAG məlumat yayıb.

Agentliyin məlumatına görə, Qazaxıstan hərbi idarəsinin keçmiş rəisi yanvarın əvvəlində respublikada baş vermiş iğtişaşlar və terror aktları zamanı hərəkətsizliyə yol verməkdə şübhəli bilinir. Bektanov barəsində Baş Prokurorluq tərəfindən istintaq başladılıb.

Şənbə günü, fevralın 19-da Qazaxıstan prezidenti Kasım-Jomart Tokayev bildirib ki, ordu 2022-ci ilin yanvarında ölkədə baş verən kütləvi iğtişaşlar zamanı qarşıya qoyulan vəzifələrin öhdəsindən gələ bilməyib. Eyni zamanda, o, müdafiə nazirini “komandirlik keyfiyyətləri nümayiş etdirməməsi” ilə izah edərək vəzifəsindən azad edib.

Yanvarın 2-də Qazaxıstanda benzin mühərrik yanacağının qiymətinin sürətlə artması ilə bağlı etirazlar başlayıb. Tezliklə iqtisadi tələblər siyasi tələblərlə əvəz olunub: hökumətin istefası, yeni seçkilərin keçirilməsi, keçmiş prezident Nursultan Nazarbayevin “klan”ından olan şəxslərin yoxlanılması məsələsinə baxılması.

Yanvarın 5-də Qazaxıstanda mitinqlər iğtişaşlara çevrildi. Vəziyyət KTMT sülhməramlı kontingentinin köməyi sayəsində həll edilib.

 67 baxış

Leave A Reply

Your email address will not be published.

Tərcümə »