Google WhatsApp-ı vacib funksiyadan məhrum edəcək

WABetaInfo portalının məlumatına görə, Google Android-də WhatsApp istifadəçilərini söhbətlərin ehtiyat nüsxələrinin qeyri-məhdud saxlanması imkanından məhrum edəcək.

İctimairey.az xəbər verir ki, indi bütün saxlanmış mesajlar, məsələn, media faylları kimi yer tutacaq.

Google siyasətində dəyişikliklər haqqında məlumat messencerin beta versiyalarından birinin kodunda tapılıb. Bu, Google Diskdə yerə qənaət etmək üçün, bəzi mesajları silməyə imkan verən funksiyanın mövcudluğundan bəhs edir.

Yenilik buraxıldıqdan sonra, “Google Drive” “WhatsApp” çatlarının surətlərinin saxlanması limitinə çatdıqda istifadəçilərə xəbərdarlıq edəcək.

Dəyişikliklərin nə vaxt qüvvəyə minəcəyi hələ məlum deyil.

Söhbətlərin ehtiyat nüsxələrinin qeyri-məhdud saxlanması imkanı yalnız Android cihazlarının istifadəçiləri üçün əlçatandır. Apple iPhone sahiblərinə oxşar xüsusiyyət təqdim etməyib.

Google artıq Google Fotoda pulsuz foto yaddaşdan imtina edib.