Xərçəngin bu növünə qarşı yeni dərman tapıldı

Rusiyanın Federal Tibbi və Bioloji Agentliyi (FMBA) onkologiyanın bir növünün – prostat vəzi xərçənginin müalicəsi üçün yerli dərmanı qeydiyyata alıb.

FMBA Telegram kanalında dərman vasitəsinin qeydiyyatı barədə məlumat verilib.

Agentlik bildirir ki, söhbət eyni zamanda metastazları məhv edən və əlavə dərman qəbul etməyi dayandırmağa imkan verən ağrı sindromuna təsir edən “Rakurs (223Ra)” radiopreparatından gedir.

“Yerli dərmanın qeydiyyatı logistik gecikmələri azaldacaq və vətəndaşlar üçün bu müalicə metodunun əlçatanlığını artıracaq”, – deyə məlumatda bildirilir. (Publika.az)