Salyan rayonunda Vətən müharibəsində qəhrəmancasına həlak olmuş şəhidlərin ailələrinə medallar təqdim olunmuşdur.

17 sentyabr 2021-ci il tarixdə Salyan Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin birgə təşkilatçılığı ilə Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə təltif olunmuş şəhidlərin ailələrinə “Xocavəndin azad olunmasına görə” və “Cəbrayılın azad olunmasına görə” medalları təqdim edilmişdir.

Tədbirdə çıxış edən Salyan rayon İB –sı Sevindik Hətəmov qeyd etdi ki, şəhidlərin əziz xatirəsi daim qəlbimizdə yaşayacaqdı. Eyni zamanda bu şəhidlərin qəhrəmanlığı Azərbaycan xalqı, Azərbaycan gəncləri üçün bir örnək oldu. Bundan sonra da örnək olacaqdır. Tamamilə əminik ki, Azərbaycanın bu günki nəsli də, gələcək nəsli də şəhidlrimizin qəhrəmanlığından hər zaman nümunə götürəcəklər.
Azərbaycan xalqının milli azadlığını, respublikamızın müstəqilliyini qorumaq üçün, daim mübariz olacaq, qəhrəmanlıq, vətənpərvərlik nümunələri göstərəcəklər.

Fuad Qəhrəmanov. İctimairey.az