Könüllülərin növbəti təlimi keçirilib

Azərbaycan Həmrəylik Komitəsi (AHK) və “EcoApp” layihəsi könüllülərinin birgə təşkilatçılığı ilə gənclər üçün interaktiv təlimlər davam edir. Psixoloq-təlimçi Sevinc Osmanovanın moderatorluğu ilə “Stressin idarə olunması” mövzusunda təlim keçirilib.

Bu barədə AHK-nin mətbuat xidməti məlumat verib.

Təlimdə Azərbaycan Həmrəylik Komitəsinin üzvləri, tələbə gənclər iştirak edib. Təlim zamanı iştirakçılara stress vəziyyətlərində davranış növləri, stress idarəetmə strategiyaları və stressin öhdəsindən necə gəlməyin metodları barədə praktik məlumatlar verilib.

Qeyd edək ki, interaktiv təlimlərin hər həftə keçirilməsi nəzərdə tutulub. Təlimlərdə fəallıq göstərən gənclərə sertifikat veriləcək.