Heç kim zamanı qovmur, lakin yaxın gələcəkdə Ermənistan və Azərbaycan arasında sülh müqaviləsinin imzalanması mümkündür.

Axar.az xəbər verir ki, bunu Rusiya Prezidentinin mətbuat katibi Dmitri Peskov deyib.

O qeyd edib ki, Azərbaycan, Ermənistan və Rusiya nümayəndələri tərəflər arasında məsələləri müzakirə etmək üçün gələn həftənin sonunda Moskvada toplaşacaqlar.

Peskovun sözlərinə görə, kimsə sülh müqaviləsinin imzalanmasının dəqiq tarixini proqnozlaşdırmır:

“Baxmayaraq ki, dünənki görüşdə deyildiyi kimi, indi şərait bir çox cəhətdən dəyişib və əslində, konseptual olaraq, bu dəyişmiş vəziyyətlər yaxın gələcəkdə sülh müqaviləsi imzalamağa imkan verir”.