Avropa Liqası: “Roma” və “Sevilya” finalda

Futbol üzrə UEFA Avropa Liqasında yarımfinal mərhələsinin ikinci oyunları keçirilib.

Axar.az xəbər verir ki, səfərdə Almaniyanın “Bayer Leverkuzen” klubu ilə qolsuz heç-heçə edən “Roma” bu turnirdə ilk finalçı olub.

Qeyd edək ki, komandalar arasında Romada keçirilən ilk oyun meydan sahiblərinin minimal hesablı qələbəsi ilə yekunlaşmışdı 1:0.

“Roma”nın finaldakı rəqibi “Sevilya” olub. İspaniya təmsilçisi yarımfinalda İtaliya klubu “Yuventus”u 2-1 (ilk matç 1-1) məğlub edərək finala adını yazdırıb.