İran tərəfi Azərbaycan ərazisində “Kərimə dövləti”nin qurulması barədə çağırış edən iki azərbaycanlını ölkəmizə təhvil verməlidir.

Bunu bu gün Milli Məclisin iclasında deputat Ceyhun Məmmədov bildirib.

Ceyhun Məmmədov deyib ki, islamın siyasiləşdirilməsi yönündə cəhdlərin də qarşısı qətiyyətlə alınmalıdır:

“Bu düşüncədə olan insanlar məscidlərdən də uzaqlaşdırılmalıdır”.

Qeyd edək ki, İranda “Hüseyniyyun” terror qruplaşmasının rəhbərləri Tohid İbrahimbəyli və Orxan Məmmədovun Qum şəhərində həbs olunduğu ilə bağlı məlumat yayılıb.