SON DƏQİQƏ: Orta Asiyanın ən böyük məscidi Nur-Sultanda açılıb- FOTO

Açılış mərasimində Qazaxıstanın birinci prezidenti Nursultan Nazarbayev iştirak edib

Qazaxıstanın paytaxtı Nur-Sultanda yeni məscid istifadəyə verilib. Kazinform xəbər verir ki, açılış mərasimində Qazaxıstan Respublikasının birinci prezidenti Nursultan Nazarbayev iştirak edib.

“Bu müqəddəs cümə günü paytaxtımızda gözəl məscidin açılışını edirik. Bu, təkcə paytaxtımız üçün deyil, bütün sakinlərimiz, müsəlmanlar üçün mühüm hadisədir. Mən Uca Yaradana minnətdarlığımı bildirmək istəyirəm və bununla əlaqədar olaraq bu məscidin tikintisinə başladım”, – deyə Nursultan Nazarbayev tədbirdəki çıxışında bildirib.

Onun sözlərinə görə, müstəqillik illərində paytaxtda çoxlu binalar tikilib.

“Müstəqilliklə biz ölkənin bütün bölgələrində məscidlər açırıq. Allah bu məscidlərdə oxunan bütün duaları eşitsin. 2019-cu ilin martında səlahiyyətlərimin başa çatmasına bir gün qalmış məscidin ilk kərpicini qoydum. Ölkənin hazırkı prezidenti Qasım-Jomart Tokayev də mənimlə idi. Dua edirik ki, Allah bizə xeyir-dua versin və müstəqil dövlətimiz çiçəklənsin”, – Nazarbayev əlavə edib.

Məscid Qazaxıstan və Orta Asiyada ən böyük məscid olacaq.

Əsas günbəzin hündürlüyü demək olar ki, 90 metr, minarələri isə 130 metr yüksəkliyə qalxır.

Məscidin tutumu 30 min nəfərə qədərdir.