Stiven Siqal Azov döyüşçülərinin həlak olduğu Yelenovkayada təcridxanaya baş çəkib- FOTO

2016-cı ildə Rusiya vətəndaşlığını alan amerikalı aktyor Stiven Siqal Donbasa səfər edib. O, raket hücumunda 50 nəfərin həlak olduğu həbsxananın xarabalıqlarına gəlib. Bu barədə Vladimir Solovyov teleqramında məlumat verib.

Siqal Dövlət Dumasının Beynəlxalq Əlaqələr Komitəsinin rəhbəri Leonid Slutski ilə birlikdə DXR-ə uçub və faciənin baş verdiyi təcridxanaya birlikdə baş çəkiblər

“Stiven Siqal Donbassdakı müharibə haqqında sənədli film çəkir. Bu gün o, Yelenovski İstintaq Təcridxanasında hərbi əsirlərlə danışıb. <…> Görüşdə Stiven qeyd edib ki, mediada münaqişədən danışanların 98%-i heç vaxt burada olmayıb. Ona görə də dünya həqiqəti bilmir. O, bu müharibəyə baxışını dəyişmək istəyir”, – DXR rəhbəri Denis Puşilin bildirib.

İyulun 29-na keçən gecə ukraynalı hərbi əsirlərin saxlandığı Yelenovka kəndi yaxınlığındakı həbsxana HİMARS reaktiv yaylım atəşi sistemləri ilə vurulub. Sonra Müdafiə Nazirliyinin nümayəndəsi Konaşenkov bəyan edib ki, zərbəyə görə məsuliyyət Ukraynanın üzərinə düşür.

“Bu açıq-aşkar təxribat Ukrayna hərbçilərini qorxutmaq və onların təslim olmasının qarşısını almaq məqsədi daşıyırdı. Bu təxribatın hansı şəraitdə baş verməsi araşdırılır”, – deyə o, yekunlaşdırıb.

Hadisədən ertəsi gün Rusiya Müdafiə Nazirliyi ölən və yaralananların adlarını qeyd edərək siyahılarını dərc edib. Ölənlərin siyahısında 1960-cı ildən 2002-ci ilə qədər 50 nəfər, yaralıların siyahısında 73 nəfər var. Ümumilikdə atəş zamanı koloniyada 193 məhbus var idi.

BMT istintaq təcridxanasının atəşə tutulmasını araşdırmaq üçün, ekspertlər qrupunu göndərməyə hazır olduğunu bildirib. Ukrayna Baş Qərargahı onların koloniyaya hücumda iştirakını təkzib edib.