Salyan rayon sakinlərindən marixuana və ov tüfəngi aşkarlanaraq götürülüb

Salyan rayonunun Kürqaraqaşlı kənd sakini M.Salmanov rayon polis şöbəsinin əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılıb.

  İctimairey.az-a Daxili İşlər Nazirliyinin mətbuat xidmətindən  bildirilib ki, axtarış zamanı onda marixuana aşkarlanıb. Davam etdirilən tədbirlərlə həmin şəxsin kənd ərazisində icarə əsasında işlətdiyi fermaya baxış zamanı oradan qanunsuz saxladığı “İJ-16” və oranın sahibi, Salyan şəhər sakini F.Həsənova məxsus “İJ-12” markalı ov tüfəngləri də aşkarlanaraq götürülüb.

Faktla bağlı Salyan Rayon Polis Şöbəsi tərəfindən təhqiqat davam edir.