Suren Sarkisyan: Dağlıq Qarabağ artıq Ermənistan üçün prioritet deyil

İctimairey.az bildirir ki, beynəlmiləlçi Suren Sarkisyan öz Facebook səhifəsində yazıb:

“Bəzi Ermənistan səfirləri akkreditasiya ölkələrində çox təhlükəli tezisi təbliğ edirlər. Xüsusən də ev sahibi ölkələrin hakimiyyət orqanları ilə görüşərkən “sülh erası”nın açılması üçün, kömək istəyirlər. Yəni deyirlər ki, Dağlıq Qarabağ problemi artıq həll olunub və Artsax artıq Ermənistan üçün prioritet deyil (gördüyünüz kimi, bu, Bakının tezisidir).

Ev sahibi ölkələrdə bu, Artsaxdan tamamilə imtina mövqeyi kimi qəbul edilir, buna cavab olaraq adətən belə səslənir: “Yaxşı, Artsaxa artıq ehtiyacınız yoxdursa, diqqətimizi başqa məsələlərə yönəldək”.

“Yəni, ən azı xarici dünya üçün hakimiyyət Artsaxın qalan hissəsinin saxlanmasına da ehtiyac olmadığını açıq şəkildə bildirir”.