Bayram namazı bu saatlarda qılınacaq

“AMEA Şamaxı Rəsədxanasının hesablamalarına əsasən, builki Qurban bayramı hicri-qəməri təqvimlə zilhiccə ayının 10-na, miladi tarixlə 6 iyuna təsadüf edir”​.

Bu barədə Qafqaz Müsəlmanları İdarəsinin (QMİ) sədri şeyxülislam Allahşükür Paşazadənin bayram təbrikində bildirilib.

“Şəri hökmlərə əsasən, 3 gün ərzində icra oluna bilən Qurban kəsimi həcc ziyarəti zamanı mütləq vacib əməldir. Həcc xaricində olan müsəlmanların qurban kəsib ehtiyacı olanlara paylamaq niyyəti isə müstəhəb və savabdır.

Qurban bayramı namazları ölkəmizin bütün mərkəzi məscidlərində qeyd ediləcək, o cümlədən Bakının Əjdərbəy məscidində bayram namazı saat 08.00-də, Təzəpir məscidində 09.00-da qılınacaq”, – təbrikdə qeyd olunub.