İsraillilər ABŞ-ın gələcək prezidenti kimi Baydeni Trampdan üstün tuturlar

İsrail mətbuatında dərc olunan sorğuya görə, İsraildə əhalinin 40 faizi 2024-cü ildə ABŞ prezidenti Co Baydenin yenidən seçilməsini istəyir, rəqibi Donald Trampa üstünlük verənlərin nisbəti isə təxminən yüzdə 26-dır.

İctimai Rəy “TRT HABER”ə istinadən xəbər verir ki, Sorğu 2020-ci illə müqayisədə israillilər arasında böyük dalğalanma olduğunu göstərir.

O zaman Baydeni dəstəkləyənlərin nisbəti 17 idi, yüzdə 60-dan çoxu isə ABŞ prezidenti kimi Trampa üstünlük verirdi.

Trampa dəstəyin azalması, digər məsələlərlə yanaşı, onun İsrail hərbi və siyasi rəhbərliyini oktyabrın 7-də baş verən hadisələrin qarşısını ala bilmədiklərinə görə tənqid etməsi ilə əlaqələndirilə bilər.

İsrail mediasının məlumatına görə, ən azı 20 ildə ilk dəfədir ki, İsrail ictimaiyyəti Demokratlar Partiyasından prezidentliyə namizədi Respublikaçı prezidentdən üstün tutur.

İctimai Rəy