“Paşinyan Azərbaycanın şərti ilə razılaşa bilər”

İyulun 21-də Brüsseldə Azərbaycan və Ermənistan liderləri növbəti dəfə görüşəcək. Avropa İttifaqının vasitəçiliyi ilə keçiriləcək görüşdə sülh müqaviləsinin detalları və danışıqlar prosesində olan fikir ayrılıqlarını müzakirə edəcək. Qeyd edim ki, Brüssel görüşündə sülh müqaviləsinə əngəl olan Qarabağda Ermənistan silahli qüvvələrinin qalıqlarının çıxarılması müzakirə ediləcək.

Bunu politoloq Məhəmməd Əsədullazadə deyib.

Politoloq bildirib ki, Brüsseldə keçiriləcək görüşdə N. Paşinyan Azərbaycanın təklifi ilə razılaşa bilər. Çünki Ermənistanın irəli sürdüyü təkliflər sülh müqaviləsinin bağlanması istiqamətində istənilən danışıqları pozur:

“Əgər, Brüsseldə Ermənistan Baş naziri öz mövqeyindən geri çəkilməsə, Azərbaycan Qarabağda” Qisas” əməliyyatlarına başlaya bilər. Həmçinin şərti sərhəddə yeni strateji mövqeləri nəzarət altına ala bilər. Ermənistanın əlavə alternativi onun yeni strateji ərazilər itirməsi ilə nəticələnəcək”.