Ölkəmizin qarşısında çox ciddi çağırışlar var – Tahir Mirkişili
Bu il Azərbaycanda ÜDM-in artım tempinin azaldılması gözlənilir.
Bunu Milli Məclisin İqtisadi siyasət, sənaye və sahibkarlıq komitəsinin iclasında komitə sədri Tahir Mirkişili deyib.
“ÜDM-in artım tempinin Azərbaycanda aşağı olması məntiqə uyğundur və bu, dünyada gedən prosesdir. Amma bu, büdcə daxilolmalarına təsir edən amillərdən biridir. Dünyada baş verən proseslər fonunda Azərbaycanda büdcə gəlirləri 3 milyard manatdan çox artırılır. Ölkəmizin qarşısında çox ciddi çağırışlar var. Digər tərəfdən bütün dünyada uçot dərəcələri artırılıb, eyni zamanda Mərkəzi Bank da bu addımı ataraq, uçot dərəcəsini artırıb”, – deyə T.Mirkişili əlavə edib.
