Sağlıqlı ömür üçün qaraciyərini təmizlə
Qaraciyər orqanizmdə zərərli maddələri özündə saxlayır. Bu zərərli maddələr bədəndən çıxarılmadıqda xroniki xəstəliklər baş qaldırar.
Mütəxəssislər sağlam bədən və sağlam həyat üçün qaraciyərdəki zəhərin xaric edilməsini vacib buyururlar. Qaraciyər təmizləndikdə xroniki xəstəliklərin qarşısı alınır. Buna nail olmaq üçün bəzi məhsulları yeməklərdə bədənə qəbul etmək lazımdır.
Qaraciyəri təmizləyən qidalar…
Qaraciyərinizi sürətlə təmizləyən və tez cavanlaşdıran bitkilərin ən əhəmiyyətlisi udhindi meyvəsidir. Bu bitki həm də sinir sistemini qoruyur, öd kisəsinin fəaliyyətinə kömək edir. Yağlanmış və zəhərli qaraciyəri bu udhindi bitkisi ilə qısa müddətə əvvəlki sağlamlığına qaytara bilərsiniz. Bunun üçün bəzən udhindi çayından da istifadə etmək lazımdır. Bəs udhindi çayı necə dəmlənir?
- 1l suyu qaynadın. Su qaynamazdan əvvəl suya 20 q. udhindi əlavə edin. Yaxşı qaynatdıqdan sonra soyumağa qoyun. Soyuduqdan sonra gündə 2 dəfə – səhər və axşam ac və ya tox mədəyə 1 çay qaşığı balla birgə qəbul edə bilərsiniz (həkimdən məsləhət almağı unutmayın).
Çiy sarımsaq qaraciyər fermentlərini fəallaşdırır və zəhərli maddələri (toksinləri) qaraciyərdən çıxardır. Qaraciyəri bərpa edən bu tərəvəz ən yaxşı antioksidantlardan biridir. Sarımsağın tərkibində antioksidantlar, allisin və vitaminlər boldur. Bundan başqa sarımsağın tərkibindəki kükürd də qaraciyərin fəaliyyətinə yardımçı olan fermentlərin istehsalını sürətləndirir. Təbii antibiotik olan sarımsağın çiy yeyilməsi məsləhət görülür (həkim məsləhətini almaq mütləqdir).
Avokado qaraciyər yağlanmasının qarşısını alır. Sağlam yağ qəbulu üçün ən uyğunu olan avokado tərkibindəki omeqa 6 ilə qaraciyərin yenilənməsini təmin edir və hüceyrələrin bərpasına kömək edir. Avokado limon şirəsi səpilmiş halda və ya salatların tərkibində yeyilir. Gün ərzində bir dənədən artıq avokadı yeyilməməlidir. Bədəni sağlam yağlarla bəsləyən, zərərli yağ turşularını məhv edən bu meyvə qaraciyərin piylənməsinə qarşı ən uyğun mübarizəni aparır.
Qaraciyərə üzüm və onun tumu çox faydalıdır…
Sağlam qaraciyər üçün vakeçilməz daha bir meyvə üzümdür. Bir çox araşdırmalar göstərir ki, üzümün tumu qaraciyəri zədələnmədən qoruyur. Bədəni zəhərlərdən təmizləyən qaraciyərin özünün təmizlənməsində qida proqramına üzüm meyvəsi mütləq daxil edilməlidir.
Zəncirotunun yarpaqları qaraciyərin dostudur, çünki onu qoruyur. Bu bitkini salatlarda və ya dəmləməklə qəbul etmək olar. Zəncirotu bitkisinin gülləri və kökləri də istifadə olunur. Bu çiçəklərdən alınan şirələr yaxşı ödqovucu təsirə malikdir. Zəncirotunun güllərini yuduqdan sonra yarım litrlik şüşə bankaya kip doldurun. Üzərinə 2 xörək qaşığı şəkər tozu tökün. Beş gün sərin, qaranlıq yerdə saxlayın. Alınmış şirəni süzün və gündə 3 dəfə yeməkdən 30 dəq. əvvəl 1 xörək qaşığı olaraq qəbul edin. Müalicə kursu 10 gün göstərilir (həkim məsləhətini almağı unutmayın).
Brüssel kələmi qaraciyəri təmizləyən təsirli qidalardan biridir. Kələmin bu növləri qaraciyəri toksinlərdən qoruyur və həmin orqanı bərpa edir. Belə ki, tərkibindəki kükürd birləşmələri qaraciyəri zədələnmədən qoruduğu üçün, orda yaranan artıq hormonların (iltihab) və toksinlərin (zəhərin) çıxarılması prosesini dəstəkləyir. Bu tərəvəzi milli mətbəximizin bir çox yeməklərində istifadə etmək olar.
