Avropadan Ukraynaya 2 milyard avroluq hərbi YARDIM

Avropa İttifaqı (Aİ) Ukraynaya hərbi yardımın göstərilməsi üçün nəzərdə tutulan fondun vəsaitini artırmaq niyyətindədir.

Məlumatı “Bloomberg“ agentliyi yayıb.

2021-2027-ci illəri əhatə edən hazırkı hərbi yardımın büdcəsi 6 milyard avrodur. Fondda yalnız Ukraynaya deyil, digər ölkələrə də silah tədarükü üçün pul ayrılır.

Məbləğin ən azı yarısı Kiyev üçün nəzərdə tutulub. Lakin Avropa ölkələri qeyd olunan vəsaitin kifayət etmədiyini düşünür və fonda əlavə 2 milyard avro ayrılmasını planlaşdırırlar.