Pentaqon Ukrayna üçün 1,2 milyardlıq müqavilə imzaladı

Pentaqon Ukrayna üçün NASAMS hava hücumundan müdafiə sistemlərinin alınmasına görə “Raytheon Technologies” şirkəti ilə 1,2 milyard dollarlıq müqavilə bağlayıb.

Bu barədə Pentaqon məlumat yayıb.

“ABŞ Müdafiə Nazirliyi “Raytheon Technologies”şirkəti ilə Ukraynaya altı qabaqcıl NASAMS hava hücumundan müdafiə sisteminin tədarükü üçün 1,2 milyard dollarlıq müqavilə imzalayıb. Texnikanın yığılması Massaçusets ştatının Tyuksberi şəhərində aparılacaq. Texnika 2025-ci ilin sonunda yekunlşacaq”, – məlumatda deyilib.