Tehran və Moskva Xəzərdə xarici qüvvələrin olmasına qarşıdır
İran prezidenti çərşənbə axşamı Tehranda Rusiya xarici işlər naziri ilə görüşdə Tehran və Moskvanın Xəzər regionunda xarici hərbi mövcudluğa qarşı olduqlarını vurğulayıb.
Çərşənbə günü axşam Ayətullah İbrahim Rəisi Rusiyanın xarici işlər naziri Sergey Lavrov ilə görüşündə İran və Rusiya dövlət başçıları və rəsmiləri arasında davam edən məsləhətləşmələr və danışıqları iki ölkənin iki xalq üçün, faydalı olan strateji əməkdaşlığın yeni dövrü, o cümlədən iqtisadi sahədə ciddi iradəsinin əlaməti adlandırıb.
Rusiya Xarici İşlər Naziri ölkəsinin İran İslam Respublikası ilə genişlənən iqtisadi əməkdaşlığın son vəziyyəti ilə bağlı hesabat təqdim etdikdən sonra Rəisi deyib: “Əməkdaşlıq və koordinasiyanın gücləndirilməsi ABŞ-ın iqtisadi sanksiyaları və müstəqil ölkələrə qarşı birtərəfli hərəkətlərinə qarşı təsirli yoldur”.
Həmçinin, Rusiya xarici işlər naziri Ukraynadakı son vəziyyətlə bağlı qısa hesabat təqdim etdikdən sonra, prezident müharibənin tez bir zamanda dayandırılmasının vacibliyini və İran İslam Respublikasının münaqişənin diplomatik yolla həllinə kömək etməyə hazır olduğunu vurğulayıb.
“Şübhəsiz ki, bu münaqişələrin səbəbi ABŞ və NATO-nun təxribatları olub”, – deyən Raisi NATO-nun Qərbi Asiya, Qafqaz və Mərkəzi Asiya kimi dünyanın digər regionlarında da ekspansionist siyasətinə qarşı durmağın vacibliyini vurğulayıb.
Xəzər regionunda qonşu dövlətlər arasında əməkdaşlığın vacibliyinə işarə edən prezident, xüsusilə İran İslam Respublikasının sahillərindəki müstəsna vəziyyəti nəzərə alaraq, regionda hər hansı xarici hərbi iştirakın qadağan edilməsini vurğulayıb.
Xarici işlər naziri Sergey Lavrov isə, öz növbəsində Tehran və Moskva arasında iqtisadi sahədə də daxil olmaqla əməkdaşlığın aspektlərini ətraflı izah edərək, ölkəsinin İran İslam Respublikası ilə əməkdaşlığı strateji səviyyəyə yüksəltməyə hazır olduğunu və maraqlı olduğunu vurğulayıb.
Rusiyanın xarici işlər naziri İranın Şanxay Əməkdaşlıq Təşkilatına (ŞƏT) üzvlüyünün əhəmiyyətinə işarə edərək, ölkəsinin İranın regional və beynəlxalq təşkilatlarda rolunun genişləndirilməsinə dəstəyini təsdiqləyib.
