SON DƏQİQƏ: Çində “Boeing” sərnişini qəzaya uğrayıb

Çinin dövlət televiziyası CCTV-nin fövqəladə hallar idarəsinin məlumatlarına istinadən verdiyi məlumata görə, China Eastern Airlines aviaşirkətinə məxsus sərnişin Boeing 737 təyyarəsi Çində qəzaya uğrayıb.

Təyyarə ölkənin Quanqsi-Çjuan Muxtar Bölgəsində, Teng qraflığında qəzaya uğrayıb, qəza yerində yanğın baş verib.

Təyyarədə 133 nəfər olub, ölən və yaralananlar barədə hələlik məlumat yoxdur.

Hadisə yerinə xilasedicilər göndərilib.