İran nüvə sazişi ilə bağlı sənəd layihəsini kökündən dəyişdirməyi təklif edib – FOTO

Daimi nümayəndə Ulyanov: İran nüvə sazişi ilə bağlı sənəd layihəsinə dəyişiklik etməyi təklif edib

İctimairey.az xəbər verir ki, Rusiya Federasiyasının beynəlxalq qurumlardakı daimi nümayəndəsi Mixail Ulyanov Vyana görüşündə jurnalistlərə açıqlama verib ki, İranın nüvə proqramı üzrə Birgə Hərtərəfli Fəaliyyət Planının bərpasına dair Vyana danışıqları zamanı İran nüvə sənədi layihəsini kökündən dəyişdirməyi təklif edib. Bu, qərb ölkələrinin ağrılı reaksiyasına səbəb oldu.

ABŞ dövlət katibi Entoni Blinken cümə günü deyib ki, Birləşmiş Ştatlar İrandan BKFP-nın (Birgə Kompleks Fəaliyyət Planı) icrasına qayıtmaq niyyətinin ciddiliyini təsdiqləyən heç bir addım görmür. Onun sözlərinə görə, ABŞ İranın nüvə proqramı ətrafında narahatlıqları müzakirə etmək üçün, bununla bağlı tərəfdaşları ilə danışıqlar aparmaq niyyətindədir. Blinken əlavə edib ki, “uyğunluğa qayıdış BKFP yolu mümkün deyilsə, ABŞ digər variantları nəzərdən keçirməyə hazır olacaq”.

“Başa düşdüyüm qədər, bizim qərbli tərəfdaşlarımız İran tərəfinin əvvəlki altı raundda razılaşdırılmış nüvə sənədi layihəsinə köklü dəyişikliklər etmək üçün, çox əsaslı yenidən baxılmasını təklif etməsindən dərin təsirləndilər. Bu cür radikal yanaşmaya görə də belə ağrılı reaksiya oldu” – Ulyanov dedi.

Eyni zamanda o qeyd edib ki, BKFP üzrə Vyana danışıqlarında qayda belədir: “Hər şey razılaşdırılmayana qədər heç nə razılaşdırılmır”. “Yəni düzəlişlər, mövqe dəyişikliyi hər zaman mümkündür. Amma, arzu olunandır ki, bu cür düzəlişlər kalibrlənsin və tərəqqi yolunda əyləcə çevrilməsin. Ona görə də biz vəziyyəti dramatikləşdirmirik”, – diplomat əlavə edib.

“Birgə komissiyanın iclasında hamı bir-birini eşitdi. Danışıqlar yeni başlayıb. İranlıların, bizim və ya amerikalıların dedikləri son söz deyil. Heç kim bunun asan olacağına söz verməyib”, – Ulyanov bildirib.

Xatırladaq ki, bazar ertəsi Vyanada İranla nüvə sazişinin yenidən açılması üçün danışıqların yeddinci raundu başlayıb. Danışıqların əsas mövzusu Vaşinqtonun Tehrandan sanksiyalarının götürülməsi məsələsi olub.
2015-ci ildə Böyük Britaniya, Almaniya, Çin, Rusiya, ABŞ, Fransa və İran BKFP imzalayıblar. Razılaşma Tehranın nüvə silahı almamasının qarantı kimi İranın nüvə proqramını məhdudlaşdırmaq müqabilində sanksiyaların ləğvini ehtiva edirdi. 2018-ci ilin mayında ABŞ-ın o zamankı prezidenti Donald Tramp Tehrana qarşı sərt sanksiyaları birtərəfli qaydada geri götürmək və bərpa etmək qərarına gəlib. Buna cavab olaraq, İran nüvə tədqiqatları, sentrifuqalar və uranın zənginləşdirilməsi səviyyəsinə qoyulan məhdudiyyətlərdən imtina edərək, saziş üzrə öhdəliklərini mərhələli şəkildə azaldacağını açıqlayıb.