Siyəzən sakini 3 saylı İstintaq təcridxanasına narkotik ötürdüyü zaman ələ keçdi -FOTO
3 saylı İstintaq təcridxanasına narkotik və psixotrop maddələrin keçirilməsi cəhdinin qarşısı alınıb.
Penitensiar xidmətdən verilən məlumata görə, Cinayət Məcəlləsinin 234.1-ci maddəsi ilə təqsirli bilinərək həbs edilən Azər Əmirpaşa oğlu Adıgözəlova tanışı, Siyəzən şəhər sakini Rəsul Məmməd oğlu Zəkiyev tərəfindən gətirilən sovqata baxış keçirilib.
Yoxlama zamanı orada olan gödəkçənin astar hissəsində xüsusi üsulla gizlədilən sellofan bükülülərdə ümumi çəkisi 7,005 qram olan narkotik vasitə heroin və ümumi çəkisi 2,229 qram olan psixotrop maddə metamfetamin aşkar edilib.
Faktla bağlı araşdırma aparılır.
