İran pulu dünyada ən dəyərsiz valyuta oldu

2024-cü ilin ən zəif 10 valyutası müəyyənləşdirilib və İran rialı bu siyahıda birinci yerdə qərarlaşıb.

İctimai Rəy xəbər verir ki, bu barədə FXSSI saytı məlumat yayıb.

Qeyd edək ki, “Forbes” jurnalının ötən ilin sonlarında yaydığı məlumatda da İran rialı dünyanın ən ucuz valyutası kimi tanınıb.

İran pulu 2023-cü ilin iyul ayından bəri daha sürətlə dəyərdən düşməyə davam edir.

92 il ərzində rialın qızıla nisbətdə dəyəri 6 milyon dəfə, rialın dollara nisbətdə dəyəri isə təxminən 16 min dəfə azalıb.\\axar.az\\