“Ronaldo satılmır, gələn mövsüm onunla başlamağı planlaşdırırıq” – Ten Haq
“Mançester Yunayted”in hücumçusu Kriştiano Ronaldo satılmır və o, komandanın gələn mövsüm üçün planlarına daxil edilib, Premyer Liqanın baş məşqçisi Erik ten Haq deyib.
Daha əvvəl 37 yaşlı hücumçunun “Mançester Yunayted”in Tailand və Avstraliyadakı mövsümöncəsi turunda oynamayacağı bildirilirdi.
Mətbuatda yayılan xəbərlərə görə, Ronaldo Çempionlar Liqasında iştirak etmək üçün, klubu tərk etmək istəyir. Ötən mövsümün sonunda “qırmızı şeytanlar” Avropanın ən nüfuzlu klub turnirinə vəsiqə qazana bilməyib.
– Kriştiano Ronaldo aramızda deyil, amma bu, şəxsi problemlərlə bağlıdır. Yeni mövsümə Ronaldo ilə başlamağı planlaşdırırıq. Onunla işləmək fürsətini səbirsizliklə gözləyirəm.
Bu sual yaranmazdan əvvəl Ronaldo ilə danışdım. Onunla yaxşı söhbət etdim, amma bu, öz aramızdadır. O, mənə getmək istədiyini demədi… Bu barədə mətbuatda oxumuşdum, amma bircə onu deyə bilərəm ki, Kriştianu satılmır. Biz birlikdə uğur qazanmaq istəyirik, – Erik ten Haq deyib.
Ronaldo ötən mövsüm “Old Trafford”a qayıtdıqdan sonra, “Mançester Yunayted”də 38 oyunda 24 qol vurub.