SON DƏQİQƏ: Ukraynalı müdafiəçilərin taleyi

Moskva rəsmiləri bildirirlər ki, bugünkü təxliyə nəticəsində son günlər polad zavodundan ümumilikdə 2439 ukraynalı döyüşçü təslim olub.

Moskva bu gün gedən əsgərlərin hara təxliyyə ediləcəyi ilə bağlı məlumat açıqlamasa da, əvvəlki avtobuslar Rusiyanın nəzarətində olan ərazilərə göndərilib.

Rusiya Müdafiə Nazirliyinin yaydığı və BBC-nin təsdiq edə bilmədiyi videoda silahsız adamların zavodun yaxınlığındakı rus əsgərlərinin yanına getdiyi və adlarını dediyi görünür. Daha sonra ruslar hər bir adamı və onun çantasını hərtərəfli yoxlayırlar.

Ukrayna rəsmiləri onların məhbus mübadiləsi çərçivəsində azad oluna biləcəklərinə ümid edir, lakin Moskva bu məlumatı təsdiqləməyib.

Rusiya prezidenti Vladimir Putin bildirib ki, əsgərlərlə “mövcud beynəlxalq qanunlara uyğun” rəftar ediləcək, lakin onların Rusiya nəzarətində qalacağı təqdirdə onların taleyi ilə bağlı narahatlıqlar var.

Çərşənbə axşamı Rusiya qanunvericiləri Azov alayının üzvlərini Ukrayna ilə heç bir məhbus mübadiləsində iştirak etməməli olan “nasist cinayətkarları” kimi təyin etmək planlarını irəli sürüblər.

2014-cü ildə könüllü milis kimi yaradılan və hazırda Milli Qvardiyanın bir hissəsi olan Azov alayı bir vaxtlar ifrat sağçılarla əlaqəli idi.

Bu arada, Rusiya Baş Prokurorluğu döyüşçülərinə adi hərbi əsir kimi rəftarın qarşısını almaq məqsədilə, ölkənin Ali Məhkəməsindən bölməni “terror təşkilatı” elan etməyi xahiş edib.