Dünya həyəcanda: ABŞ-da ilk meymun çiçəyi hadisəsi aşkarlanıb

ABŞ-da 2022-ci ilin ilk “meymun pox” (meymun çiçəyi) virusuna yoluxma halı Massaçusets ştatında qeydə alınıb.

Massaçusets Xalq Sağlamlığı Departamenti mətbuat mənsublarına verdiyi açıqlamada, bir müddət əvvəl Kanadaya səfər etmiş bir kişidə meymun çiçəyi virusu aşkar etdiklərini təsdiqlədi.

Müəssisə rəsmiləri, ABŞ Xəstəliklərə Nəzarət və Qarşısının Alınması Mərkəzləri və müvafiq yerli səhiyyə qurumları ilə təmasların axtarışını həyata keçirdiklərini ifadə edərək, “Xəstəxanaya aparılan şəxsin vəziyyəti yaxşıdır və vəziyyət ictimaiyyətə heç bir risk yaratmır.”

Bildirilib ki, virus insanlar arasında asanlıqla yayılmır, ancaq yoluxmuş yataq dəsti və paltar kimi əşyalarla təmasda olduqda və ya yoluxmuş şəxslə uzun müddət yaxın təmasda olduqda tənəffüs yolu ilə yoluxma baş verə bilər.

ABŞ-da bu ildən əvvəl “meymun pox”a yoluxma halı qeydə alınmasa da, 2021-ci ildə Texas və Merilenddən Nigeriyaya səyahət edən 2 nəfərdə 2 hadisənin aşkarlandığı qeyd edilib.

Bu yaxınlarda İngiltərə, Portuqaliya və İspaniyada da meymun çiçəyi virusunun bəzi halları qeydə alınıb.

İlk dəfə 1970-ci illərdə Konqo Demokratik Respublikasında qeydə alınan və son 10 ildə artan meymun çiçəyi xəstəliyinin simptomları qızdırma, baş ağrısı və üzdən başlayan və bədənin qalan hissəsinə yayılan dəri səpməsi kimi görünür.